ԿՓՖԱ ՀԿ-ն ԱՄՆ դեսպանատան ‘‘Փոքր ֆերմերների համար տեղեկատվության մատչելիության բարելավում” ծրագրի շրջանակներում  Ն. Հանդ, Ծավ, Շիկահող, Շրվենանց, Ագարակ, Եղվարդ, Սևաքար, Եղեգ, Դավիթ-Բեկ, Գեղի, Վ. Խոտանան և Տանձավեր համայնքները  ապահովվել են համակարգիչներով, տպիչ սարքավորումներով և ինտերնետ կապով:

  Դեկտեմբերի 16-ին տեղի ունեցավ ԿՓՖԱ ՀԿ-ի հերթական ընդհանուր ժողովը: Ժողովին մասնակցել են համայնքներում կազմակերպության անդամների կողմից ընտրված 17 ներկայացուցչական պատվիրակներից 16-ը, որից  8-ը` կանայք: Խորհրդի նախագահ Ս. Վարդանյանը և վերստուգիչ հանձնաժողովի նախագահ Լ. Պողոսյանը ներկայացրին հաշվետվություն կազմակերպության 2 տարվա գործունեության վերաբերյալ: Ելույթներ ունեցան պատվիրակներ Ն. Դանիելյանը և Ա. Պողոսյանը:

  2011 թվականի դեկտեմբերի 23-ին "Կապանի փոքր ֆերմերների ասոցիացաիա" ՀԿ-ն Կանանց դերի հզորացման հանդիպման շրջանակներում կազմակերպել է միջոցառում: Պատրաստվել է ֆիլմ, որում ներկայացվել է գյուղի կնոջ առօրյան, նրա մասնակցությունը համայնքային կյանքին:

   ԿՓՖԱ ՀԿ ֆերմերների տնտեսական գործունեության բարելավման համար Նոյեմբերի 21-23-ը կազմակերպության գրասենյակում իրականացվել է եռօրյա  դասընթաց “Ոչ ավանդական մշակաբույսերի նշանակությունը, կարևորությունը և մշակության տեխնոլոգիան և շուկայի ձևավորումը” թեմայով, որը վարել է գյուղատնտեսական գիտությունների թեկնածու Նունե Սարուխանյանը: 

   ԿՓՖԱ ՀԿ-ն նոյեմբերի 16-ից 17-ը կազմակերպության մասնակիցների և շահառուների համար "Մարդու իրավունքների կրթություն" թեմայով գրասենյակում կազմակերպվել է դասընթաց,  իսկ նոյեմբերի 18-ին քննարկում: Դասընթացը և քննարկումը անցկացրեց Հելսինկյան կոմիտեյի նախագահ Ավետիք Իշխանյանը: Դասընթացը անցկացվեց գործնական ուղղվածությամբ` ֆերմերների ակտիվ մասնակցությամբ: